Средба – Министерот за здравство д-р Илир Демири, денеска се сретна со претседателите на Асоцијацијата за цистична фиброза

Министерот за здравство д-р Илир Демири, денеска се сретна со претседателите на Асоцијацијата за цистична фиброза (АЦФ) Александар Стамболиски и Елмир Сејфулаи, како и со членката од Асоцијацијата Ивана Атанасоска. Демири, потенцираше дека Министерството и Асоцијацијата имаат успешна соработка којашто резултира со поквалитетен живот на пациентите.

„Асоцијацијата за цистична фиброза е нашиот партнер и заеднички продолжуваме да делуваме за подобра здравствена состојба на пациентите со цистична фиброза. Горд сум што белодробната функција по примањето на терапијата кај пациентите е подобрена. Досега 32 пациенти имаат примено Трикафта и етапно сите ќе се вклучат на терапија. Верувам дека заеднички можеме многу да постигнеме, во Министерството за здравство имате искрен партнер“, рече Демири.