Тендер за модуларна терапија за цистична фиброза се уште нема, пациентите се борат за секој ден

16 години живот во неизвесност и болка, но и немоќ да се направи нешто за животот на сопственото дете.

Лаира е мајка на 16 годишно момче болно од цистична фиброза. Сите тие години ги поминала на релација на патот од дома до болницата и бескрајно уморна од фактот дека не знае кога пак нејзинот син ќе добие напад предизвикан од болеста. За неговите емоции и стравот од болницата не сака да зборува, но вели – сите мислат дека сум камен.

Светот веќе го има лекот кој скоро целосно им помага на болните од цистична фиброза,  но тој лек чини многу. Единствен спас е министерството за здравство и Фондот да обезбедат пари и да спасат од маките најмалку 130 заболени од оваа болест во Македонија.

Првиот протест помина и надлежните воопшто не ги примија ниту на разговор . Огорчени од односот на надлежните на 4 фрбруари ке протестираат пред владата. Тоа велат им последна надеж.

ТВ 24 ги контактираше и министерството за здравство и Фондот за здравствено осигурување. Со одговор не не удостоија и покрај ветувањата дека ќе ни одговорат на прашањето зошто овие 130 лица кои се во смртна опасност секој ден кога постои лек кој може фондот да го набави и да го плати, бидејки и оваа болест спаѓа во групата ретки болести.

Автор: Вања Стефковска

Преземено: 24.mk